ពិតជាខ្លាំងមែនលោកគង់សុភាពប្រធានស្ថានីយ៍ជញ្ជីងថ្លឹងរថយន្តខេត្តត្បូងឃ្មុំតែម្នាក់ឯងប្តឹងអ្នកសារព័ត៌ម្ដងបីអង្គភាពក្នុងពេលតែមួយទៅប្រព័ន្ធតុលាការដើម្បីបំបាក់ស្មារតីក្នុងការបញ្ចេញមតិ

ខេត្តត្បូងឃ្មុំ អ្នកសារព័ត៌មានចំនួន 4 នាក់បម្រើការបីអង្គភាពផ្សេងគ្នា ត្រូវបានលោក គង់ សុភាព ប្រធានស្ថានីយជញ្ជីងថ្លឹងរថយន្តដែលស្ថិតនៅភូមិស្លាបក្តោង ឃុំជប់ ស្រុកត្បូងឃ្មុំ ខេត្តត្បូងឃ្មុំ ដាក់បណ្ដឹងទៅប្រព័ន្ធតុលាការ ដើម្បីចាប់ខ្លួនដាក់ពន្ធនាគារនិងទាមទារសំណង់ជំងឺចិត្តចំនួន 5 ម៉ឺនដុល្លារ ខណៈពេលអ្នកព័ត៌មានទាំងនោះហ៊ានទៅផ្សព្វផ្សាយរឿងអាស្រូវរបស់ខ្លួន។

អ្នកសារព័ត៌មានដែលរងការចោទពីលោកគង់សុភាពប្រធានស្ថានីយជញ្ជីងថ្លឹងរថយន្តនោះទី 1 ឈ្មោះលោកខៀវសុផានុរស្សមានតួនាទីចាងហ្វាងការផ្សាយគេហទំព័រម្លប់សន្តិភាពទី 2 ឈ្មោះពុទ្ធសុភាពនិពន្ធនាយករងគេហទំព័រម្លប់សន្តិភាពទី3អង្គភាពកាសែតនគរយសទី 4 លោកហែមវណ្ណាចាងហ្វាងការផ្សាយគេហទំព័រ HVNN TV online ដាក់ទៅព្រះរាជអាជ្ញាសាលាដំបូងខេត្តត្បូងឃ្មុំដើម្បីចាត់ការនិងបំបាក់ស្មារតីអ្នកសារព័ត៌មានទាំងនោះកុំឲ្យចេះតែហ៊ានផ្សព្វផ្សាយរឿងអវិជ្ជមានរបស់លោកគង់សុភាពប្រធានស្ថានីយជញ្ជីងដ៏មានឥទ្ធិពលនិងទ្រព្យសម្បត្តិស្ដុកស្ដម្ភក្នុងនាមជាមន្ត្រីរាជការសាធារណៈ។

ថ្លែងមុននេះបន្តិចនៅរសៀលថ្ងៃទី 15 លោក ខៀវ សុផានុរស្ស ចាងហ្វាងការផ្សាយគេហទំព័រម្លប់សន្តិភាព និងលោក ពុទ្ធ សុភាព បានទទួលដីកាពីឯយ្យកាអមសាលាដំបូងខេត្តត្បូងឃ្មុំ បង្គាប់ឲ្យលោកចូលខ្លួនបំភ្លឺអំពីករណីញុះញង់ឲ្យប្រព្រឹត្តបទឧក្រិដ្ឋតាមបណ្ដឹងរបស់លោក គង់ សុភាព ប្រធានស្ថានីយ៍ជញ្ជីងខេត្តត្បូងឃ្មុំ ដោយយោងតាមសំណុំរឿងព្រហ្មទណ្ឌលលេខ 472 ចុះថ្ងៃទី 12 ខែ 7 ឆ្នាំ 2023។

ជុំវិញករណីលោក គង់ សុភាព ប្រធានស្ថានីយ៍ជញ្ជីងប្តឹងអ្នកសារព័ត៌មានខាងលើទៅ តុលាការត្រូវបានគេយល់ឃើញថា ជាការគំរាមកំហែងនិងបំបាក់ស្មារតីក្នុងការបញ្ចេញមតិរបស់អ្នកកាសែតដោយយកប្រព័ន្ធយុត្តិធម៌មួយនេះមកចាត់ការអ្នកសារព័ត៌មានទៅវិញ។

បើយោងតាមជំពូកទី 2 មាត្រា 10 ស្ដីពីការទទួលខុសត្រូវអ្នកសារព័ត៌មាន ដែលបានចែងថាជនណាម្នាក់ដែលយល់ថា អត្ថបទណាមួយទោះជាសរសេរបញ្ឆិតបញ្ឆៀងក៏ដោយ រូបគំនូរ ឬរូបថតណាមួយនៃសារព័ត៌មានណាមួយដែលមានលក្ខណៈខុសពីការពិត ធ្វើឲ្យខូចខាតដល់កិត្តិយសនិងសេចក្តីថ្លៃថ្នូររបស់ខ្លួន មានសិទ្ធិទាមទារឲ្យសារព័ត៌មាននោះ ធ្វើការកែតម្រូវឬមានសិទ្ធិឆ្លើយតបនិងធ្វើបណ្ដឹងពីបទបរិហារគេមួលបង្កាច់ឬពីបទជេរប្រមាថចំពោះការប៉ះពាល់កិត្តិយសនិងសេចក្តីថ្លៃថ្នូររបស់ខ្លួន ។ ចម្លើយកែតម្រូវឬឆ្លើយតបត្រូវចុះផ្សាយក្នុងរយៈពេល 7 ថ្ងៃយ៉ាងយូរឬនៅលេខបន្ទាប់ក្រោយពីបានទទួលការទាមទារឲ្យកែតម្រូវឬឆ្លើយតប។

ចំពោះករណីដែលពាក់ព័ន្ធដល់បុគ្គលសារធារណៈគ្រប់ការពោលអះអាងឬការទម្លាក់កំហុសដែលអ្នកសារព័ត៌មានយកមកចុះផ្សាយដោយផ្ទាល់ ។ ឬក៏យកមកចុះផ្សាយបន្តខុសពីការពិត ។ ក្នុងបំណងបំផ្លាញបុគ្គលសាធារណៈនោះ គឺជាការមួលបង្កាច់ដែលច្បាប់ហាមឃាត់ បើតុលាការរកឃើញថា ការផ្សាយណាមានលក្ខណៈខុសពីការពិត តាមបណ្ដឹងរបស់ដើមបណ្ដឹងរដ្ឋប្បវេណី តុលាការអាចបង្គាប់ឲ្យសារព័ត៌មាននោះ ចុះផ្សាយនៅការកែតម្រូវ ។ ឬសងជំងឺចិត្តឬចុះផ្សាយនៅការកែតម្រូវផង និងបង់ប្រាក់សងជម្ងឺចិត្តផង ។ អត្ថបទកែតម្រូវដែលអ្នកសារព័ត៌មានមានកាតព្វកិច្ចផ្សាយទៅចុះផ្សាយនៅទំព័រដូចគ្នា ។ និងមានទំហំអក្សរប៉ុនគ្នានិងអត្ថបទដែលបានចាត់ទុកថាជាអត្ថបទធ្វើឲ្យខូចខាតកិត្តិយសនិងសេចក្តីថ្លៃថ្នូររបស់គេ ។ លើសពីនេះ តុលាការអាចផ្ដន្ទាទោស ពិន័យជាប្រាក់ពីមួយលានទៅប្រាំ លានរៀលម្យ៉ាងទៀត ក្នុងករណីដែលមានការវិនិច្ឆ័យអំពីអំពើណាមួយ ដែលមានចែងក្នុងកថាខណ្ឌខាងលើតុលាការអាចបញ្ជាបិទផ្សាយសេចក្តីសម្រេចរបស់ខ្លួននៅកន្លែងទាំងឡាយដែលតុលាការនិងបញ្ជាក់ដោយឲ្យជនជាប់ចោទទទួលបន្ទុក ។ ហើយតុលាការ អាចចុះផ្សាយសាលក្រមក្នុងសារព័ត៌មានមួយឬច្រើន និងឲ្យជនជាប់ចោទទទួលបន្ទុកចេញសោហ៊ុយទាំងអស់កម្រិតត្រឹមមួយលានរៀលយ៉ាងច្រើនបំផុត។

បើយើងក្រឡេកមកមើលពាក្យបណ្ដឹងរបស់លោក គង់ សុភាព ដែលមានមេធាវីតំណាងឈ្មោះ ឡុង គឹមសាង ដែលប្ដឹងមកលើអង្គភាពសារព័ត៌មានចំនួន 3 អង្គភាពផ្សេងគ្នា ក្នុងពេលតែមួយ ដែលមានចរិកលក្ខណៈបំផិតបំភ័យ និងគំរាមកំហែង ដោយយកច្បាប់ព្រហ្មទណ្ឌមកចាត់ការជំនួសច្បាប់ស្ដីពីរបបសារព័ត៌មានទៅវិញ ។ បើយោងតាមខ្លឹមសារនៃបណ្ដឹងនោះ ដែលដាក់ចូលស្ថាប័នឯយ្យកាអមសាលាដំបូងខេត្តត្បូងឃ្មុំដោយសូមសំណូមពរ សុំឱ្យសម្រេចចោទប្រកាន់ឃាត់ខ្លួនឃុំខ្លួន និងផ្ដន្ទាទោសទៅលើអ្នកសារព័ត៌មានខាងលើឱ្យបានធ្ងន់ធ្ងរនឹងទាមទារសំណងជំងឺចិត្តចំនួន 5 ម៉ឺនដុល្លារ ត្រង់ន័យនេះសបញ្ជាក់ឲ្យឃើញថា លោក គង់ សុភាព កំពុងប្រើច្បាប់ព្រហ្មទណ្ឌរំលងច្បាប់សារព័ត៌មានហើយទាន! ដោយលោក គង់ សុភាព មិនបានដាក់លិខិតផ្លូវការណាមួយមកអង្គភាពយើងខ្ញុំដើម្បីធ្វើការបកស្រាយនិងបំភ្លឺឡើងវិញរាល់ព័ត៌មានដែលចុះផ្សាយនោះឡើយ ។ បើយើងនិយាយអំពីបទញុះញង់ឱ្យប្រព្រឹត្តបទឧក្រិដ្ឋក្នុងមាត្រា494 ដល់498ក្នុងនោះត្រង់មាត្រា 497 បានបញ្ជាក់ថាការញុះញង់តាមសារព័ត៌មានត្រូវបានកំណត់ក្នុងច្បាប់ស្ដីពីរបបសារព័ត៌មាន ។ បើយើងងាកមកមើលជំពូកទី 5 អវសានបញ្ញត្តិ មាត្រា 20ស្ដីពីអ្នកសារព័ត៌មានអំពើប្រព្រឹត្តរបស់និយោជកនិពន្ធនាយកឬអ្នកនិពន្ធអត្ថបទដែលរំលោភច្បាប់ព្រហ្មទណ្ឌត្រូវទទួលទោសតាមច្បាប់ព្រហ្មទណ្ឌ ប៉ុន្តែទោះបីយ៉ាងណាក៏ដោយ ក៏គ្មានជនណាម្នាក់ត្រូវចាប់ចងដាក់ពន្ធនាគារឡើយ ។

គួររំលឹកថា កាលពីថ្ងៃទី 10 ខែកក្កដាឆ្នាំ 2023ក្រុមអង្គភាពអ្នកសារព័ត៌មានយើង 3 អង្គភាពមានគ្នាចំនួន 4 នាក់បានទៅចុះថតផ្ដិតយករូបភាពនិងថតឡាយផ្សាយផ្ទាល់អំពីសកម្មភាពជាក់ស្ដែងនៅស្ថានីយ៍ជញ្ជីងថ្លឹងរថយន្ត ដែលស្ថិតនៅភូមិស្លាបក្តោងឃុំជប់ស្រុកត្បូងឃ្មុំខេត្តត្បូងឃ្មុំ នឹងយោងតាមប្រភពព័ត៌មានដែលពលរដ្ឋបានឲ្យដឹងអំពីភាពអសកម្មនិងការប្រព្រឹត្តអំពើពុករលួយរបស់លោក គង់ សុភាព តាមរយៈថ្លឹងរថយន្តយកលុយក្រោមតុ ។

មហាជនរង់ចាំមើលតើវាសនាលោក ខៀវ សុផានុរស្ស ចាងហ្វាងការផ្សាយគេហទំព័រម្លប់សន្តិភាព លោក ពុទ្ធ សុភាព និពន្ធនាយករងគេហទំព័រម្លប់សន្តិភាព និងលោក ហែម វណ្ណា ចាងហ្វាងគេហទំព័រ hvnn tv online ព្រមទាំងស្ថាប័នកាសែតនគរយសទៅជាយ៉ាងណា ក្រោយពីរងបណ្ដឹងយ៉ាងធ្ងន់ធ្ងរពីលោក គង់ សុភាព ប្រធានស្ថានីយជញ្ជីងថ្លឹងរថយន្តខេត្តត្បូងឃ្មុំដែលជាជនមានឥទ្ធិពលនិងអំណាចព្រមទាំងទ្រព្យសម្បត្តិដ៏ច្រើនមហិមាប្ដឹងសន្ធប់ទាំងកំរោលមកលើអ្នកសារព័ត៌មាននោះដែលជាឆ្អឹងទទឹងកក្នុងការប្រព្រឹត្តអំពើពុករលួយរបស់ប្រធានស្ថានីយជញ្ជីងរូបនេះ ។

តែទោះបីយ៉ាងណាក៏ដោយ អង្គភាពសារព័ត៌មានយើងនៅព្រឹកថ្ងៃទី 16 ខែសីហាឆ្នាំ 2023 នេះសង្ឃឹមថាNetworkព្រះរាជអាជ្ញាអមសាលាដំបូងខេត្តត្បូងឃ្មុំនិងយកច្បាប់ស្ដីពីររបបអ្នកសារព័ត៌មានមកអនុវត្តលើអ្នកកាសែតក្នុងការបញ្ចេញមតិ ជាជាងយកច្បាប់ព្រហ្មទណ្ឌតាមសំណើរបស់លោក គង់ សុភាព ប្រធានស្ថានីយ៍ជញ្ជីងដ៏មានអំណាចរូបនោះឡើយ ៕