ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលប្រធានក្រុមការងារ ចុះជួយខណ្ឌសែនសុខ របស់រាជរដ្ឋាភិបាលកម្ពុជា ជូនថ្នាក់ដឹកនាំ និងមន្ត្រីសុខាភិបាលគណបក្សប្រជាជនកម្ពុជា ជួបជាមួយប្រជាពលរដ្ឋនៅខណ្ឌសែនសុខ

នាព្រឹកថ្ងៃថ្ងៃចន្ទ ទី១៦ ខែកក្កដា ឆ្នាំ២០២៣ ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលប្រធានក្រុមការងារ ចុះជួយខណ្ឌសែនសុខរបស់រាជរដ្ឋាភិបាលកម្ពុជា ជូនថ្នាក់ដឹកនាំ និងមន្ត្រីសុខាភិបាលគណបក្សប្រជាជនកម្ពុជាជួបជាមួយប្រជាពលរដ្ឋនៅខណ្ឌសែនសុខ។

ក្នុងឱកាសជួបសំណេះសំណាលជាមួយសមាជិកសមាជិ កាគណបក្យប្រជាជនកម្ពុជាខាងលើនេះ ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានលើកឡើងថា សមិទ្ធផលធំជាងគេ គឺសុខសន្តិភាព ដោយសារប្រទេសមានសុខសន្តិភាព ទើបមានការអភិវឌ្ឃ ហើយការអភិវឌ្ឍទាំងនេះ មិនមែនកើតឡើងដោយចៃដន្យនោះទេ គឺកើតឡើងដោយការតាំងចិត្ត ការប្ដេជ្ញាខ្ពស់របស់ថ្នាកដឹកនាំ ក៏ដូចអាជ្ញាធរមូលដ្ឋានគ្រប់លំដាប់ថ្នាក់របស់គណបក្សប្រជាជនទើបមានសាលារៀន មន្ទីរពេទ្យ ផ្លូវថ្នល់ ទឹក ភ្លើង ជាពិសេសសាងសង់ស្ពានវែងៗឆ្លង ទន្លេបង្កការងារស្រួលសម្រាប់ប្រជាពលរដ្ឋប្រើប្រាស់សព្វថ្ងៃនេះ ទាំងនេះសុទ្ធតែកើតចេញពីរការប្រឹងប្រែងរបស់គណបក្សប្រជាជនកម្ពុជា ដែលមានសម្ដេចតេជោ ហ៊ុន សែន ជានាយករដ្ឋមន្ត្រីនៃកម្ពុជា និងជាប្រធានគណបក្សប្រជាជនកម្ពុជាផងដែរ។

ឯកឧត្តមបានបន្តទៀតថា គណបក្សប្រជាជនកម្ពុជា ការពារ និងលើកស្ទួយផលប្រយោជន៍របស់ប្រជាជន ថែរក្សាការពារសន្តិភាពសន្តិសុខ សណ្តាប់ធ្នាប់ និងសុវត្ថិភាពសង្គម ដើម្បីធានាបាននូវសុខសន្តិភាព សេរីភាព សុខសាន្តរបស់ប្រជាជន និងការអភិវឌ្ឍប្រទេសជាតិលើគ្រប់វិស័យដូចពេលបច្ចុប្បន្ន និងបន្តការអភិវឌ្ឍប្រទេសជាតិមាតុភូមិឱ្យមានភាពសំបូរសប្បាយ និងរីកចម្រើនជាបន្តបន្ទាប់។

ជាមួយគ្នានោះផងដែរឯកឧត្តមក៏បានរៀបរាប់ និងផ្សព្វផ្សាយអំពីគោលនយោបាយរបស់គណបក្សប្រជាជនកម្ពុជា ទៅកាន់សមាជិក សមាជិកា និងប្រជាពលរដ្ឋ ដែលបានអញ្ជើញចូលរួមនៅក្នុងពិធីជួបជុំបក្សផងដែរ។

បន្ទាប់ពិធីសំណេះសំណាលជាមួយសមាជិក សមាជិកា និងប្រជាពលរដ្ឋរួចមក សមាជិក សមាជិការបស់គណបក្សប្រជាជនកម្ពុជា រួមទាំងថ្នាក់ដឹកនាំទាំងប្រកបដោយទឹកចិត្តសប្បាយរីករាយ បង្កប់ទៅដោយក្តីសង្ឃឹមយ៉ាងមុតមាំថាគណបក្សប្រជាជនកម្ពុជា និងឈ្នះក្នុងការបោះឆ្នោតជ្រើ សរើសតំណាងរាស្ត្រ នីតិកាលទី៧ ដែលនឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ ខាងមុខនេះ។