ល្បែងស៊ីសងតាមប្រព័ន្ធអនឡាញកំពុងរីកស្គុះស្គាយដូចផ្សិត ក្នុងក្រុងតាខ្មៅ

ខេត្តកណ្តាល៖ ប្រជាពលរដ្ឋ សូមសំណូមពរអោយ លោកឧត្តមសេ នីយ៍ទោ ឈឿន សុចិត្ត ស្នងការនគរបាលខេត្តកណ្តាល មេត្តាជួយពិនិត្យមើល ល្បែងស៊ីសងខុសច្បាប់តាមអនឡាយ ជល់មាន់ កន្ទុយ លេខ អាប៉ោង កំពុងតែរីកដូចផ្សិតនៅក្នុងក្រុងតាខ្មៅ ហើយលោកអធិការក្រុង គ្មានចំណាត់កា។

ប្រភពមួយបានឲ្យដឹងថា លោកអធិការក្រុងតាខ្មៅនេះ មិនសូវយកចិត្ត ទុកដាក់រឿងបង្ក្រាបល្បែងស៊ីសងនោះទេ។

ប្រភពបានបន្តទៀតថា ដោយសារ តែលោកអធិការ ក្រុងរូបនេះ មិនចុះបង្ក្រាបល្បែងស៊ីសង នៅក្នុងមូល ដ្ឋានរបស់ខ្លួន ដោយសារតែទទួល បានលាភសក្ការៈខ្លះៗ ពីក្រុមល្បែងសុីសងទាំងនោះហើយ បើមិនបានទទួលលាភសក្ការៈទេ ប្រជាពលរដ្ឋ សង្ឃឹមថា លោកអធិការ ពិតជាចុះបង្ក្រាបល្បែងស៊ីសងនេះជាពុំខាន។

អធិការក្រុងតាខ្មៅ លោក យី វណ្ណដា បានថ្លែងប្រាប់សារព័ត៌មានថា ល្បែ ងស៊ីសង តាមប្រព័ន្ធអនឡាញប្រភេទឡូតូ មានច្បាប់អនុញ្ញាតចេញ ពីរដ្ឋបាលខេត្តយើងមិនអាចបង្ក្រាបបានទេ ចំណែកជល់មាន់តាមប្រព័ន្ធអនឡាញនោះ គឺគ្មានច្បាប់អនុញ្ញា តចេញពីរដ្ឋបាលខេត្តទេ បើដឹងថាមាននៅទីតាំងនៅកន្លែងណា សូមរាយការណ៍ជូនមក លោកនឹងឲ្យកម្លាំងប៉ុស្តិ៍ចុះទៅបិទជាបន្ទាន់។

ចំណែកកលោកអភិបាលក្រុងតាខ្មៅ អង្គភាពសារព័ត៌មានយើងមិនអាច សុំការបំភ្លឺបានទេ បញ្ហាល្បែងស៊ីសងខាងលើនេះ។

លោកឈឿន សុចិត្ត ស្នងការនគរ បាល ខេត្តកណ្ដាល អង្គភាពសារ ព័ត៌មានយើង បានភ្ជាប់ទូរសព្ទទៅ ដើម្បីសុំការបំភ្លឺពាក់ ព័ន្ធ និងល្បែង ស៊ីសង ជល់មាន់តាមប្រព័ន្ធអនឡាញ មួយកន្លែងនៅភូមិព្រែកតាព្រីង សង្កាត់សិត្បូ ក្រុងតាខ្មៅខេត្ត កណ្តាល តេទូរស័ព្ទចូលហើយ លោកយាយថា អាឡូអាឡូអាឡូ ហើយ លោកក៏បិទ ទូរស័ព្ទតែម្ដង។

ទោះបីជាយ៉ាងណាក៏ដោយ ប្រជា ពលរដ្ឋនៅតែរិះគន់លោកយីវណ្ណាដា អធិការក្រុងតាខ្មៅ និងលោកឈឿនសុចិត្ត ស្នងការនគរបាលខេត្តកណ្ដា លថា ពាក្យដែលគាត់និយាយប្រាប់ទៅសារព័ត៌មានក្នុងស្រុកនោះ គឺជាពាក្យដោះសារយករួចតែខ្លួន។

ពលរដ្ឋក្រុងតាខ្មៅ មួយចំនួនដែលជាអ្នកមិនញៀនល្បែងស៊ីសង សូមសំណូមពរ ឱ្យលោកគង់សុភ័ណ្ឌ អភិបាលខេត្តកណ្ដាល មេត្តាជួយដាក់បទបញ្ជា ឱ្យសមត្ថកិច្ចចុះបង្ក្រា ប ល្បែងស៊ីសង តាមប្រព័ន្ធអនឡា ញដែលពុំមានច្បាប់ អនុញ្ញាត ពីរដ្ឋបាលខេត្ត ដែលកំពុងតែបើកលេងរីកដូចផ្សិត នៅក្នុងភូមិសាស្ត្រក្រុងតាខ្មៅ។a