អាជ្ញាធរខេត្តកែប បញ្ជាឲ្យអាជ្ញាធរស្រុក និងមន្ត្រីជំនាញចុះវាយកន្ទេចរបងថ្ម ដែលអ្នកមានឥទ្ធិពលឃុបឃិតគ្នាជាមួយថ្នាក់ក្រោមសាងសង់រំលោភចូលដីចំណីឆ្នេរសមុទ្រអង្កោល

កែប៖ អភិបាលខេត្តកែប លោក សោម ពិសិដ្ឋ បានដាក់បញ្ជាឲ្យអាជ្ញាធរស្រុក និងមន្ត្រីជំនាញចុះវាយកម្ទេច និងរុះរបងដែលសាងរំលោភយកដីចំណីឆ្នេរសមុទ្រអង្កោល ខណៈអ្នកមើលការខុសត្រូវឲ្យអ្នកមានឥទ្ធិពលរំលោភឆ្នេរសមុទ្ររបស់រដ្ឋនោះព្យាយាមស្នើរសុំពន្យាពេលក្នុងការរុះរើ។

ក្រោយពីបែកធ្លាយសកម្មភាពមិនប្រក្រតី នៃសាងសង់របងថ្មរឹងមាំរំលោភចូលដីចំណីឆ្នេរសមុទ្រអង្កោល ពីសំណាក់អ្នកមានលុយ មានឥទ្ធិពល និងមានការឃុបឃិតជាមួយមន្ត្រីខិលខួចមួយចំនួននោះ នៅថ្ងៃទី១៤ ខែកញា ឆ្នាំ២០២៣ នេះ លោក ឆាង ឆាយ អភិបាលស្រុកដំណាក់ចង្អើរ និងមន្ត្រីជំនាញបានបញ្ជាក់ថា «ដោយសារមានប្រជាពលរដ្ឋបានធ្វើសាងសង់សំណងរបងថ្មរឹងមាំចូលដីចំណីរឆ្នេសមុទ្រអង្កោលនោះបានសំណូមពរសុំពន្យាពេលក្នុងការរុះ»។

ចំពោះការរុះរើដើម្បីទុកលទ្ធភាពឲ្យម្ចាស់សំណង បានសាងសង់ របងថ្មដ៍រឹងមាំចូលដីចំណីរ ឆ្នេរអង្កោលនេះត្រូវរុះរើទុកជាសម្បត្តិរដ្ឋវិញ។

នេះបើតាមការបញ្ជាក់ របស់លោក ឆាង ឆៃ អភិបាលស្រុកដំណាក់ ចង្អើរ។

លោក ឆាង ឆៃ អភិបាលស្រុកដំណាក់ចង្អើរ បានប្រាប់ឱ្យដឹងទៀតថា «ប៉ុន្មានថ្ងៃកន្លងទៅនេះ ស្របពេលដែលមានព័ត៌មានចុះផ្សាយព័ត៌មាន ករណីធ្វើរបងរំលោភចូលយកដីដីចំណីរ ឆ្នេរសមុទ្រអង្កោល នៅភូមិអង្កោល ឃុំអង្កោលស្រុកដំណាក់ចង្អើរ ខេត្តកែបនោះ លោកបានដឹកនាំមន្ត្រី និងមន្ទីរជំនាញចុះទៅដល់ទីតាំង និងវាស់វែងកំណត់ឱ្យច្បាស់លាស់ និងត្រូរុះរើសំណង់ ដែលសាងសង់ចូលដីចំណីឆ្នេរសមុទ្រ»។

លោក ឆាង ឆៃ ចៅអភិបាលដំណា ក់ ចង្អើរ បានទទួលស្គាល់ថា «សំ ណង់របង ល្មើសច្បាប់ពិតជារំលោភចូលឆ្នេរ សមុទ្រអង្កោល ប្រមាណជាង ១២ម៉ែត្រ ប្រាកដមែនហើយអាជ្ញាធរបានឱ្យម្ចាស់សំណង់ដែលធ្វើរបងរំលោភចូល ដីចំណីរឆ្នេរនេះ ត្រូវរុះរើចេញជាបន្ទាន់ ប៉ុន្តែម្ចាស់ចំណង់ បានសំណូមពរ សុំពន្យាពេល ការរុះរើនេះសិនហើយ និងរុះរើចេញនាពេលខាងមុខ និងបានសុំឲ្យអាជ្ញាធរ រក្សាដីកម្មសិទ្ធិស្របច្បាប់របស់គាត់»។

«ចំពោះម្ចាស់សំណង់ដែលអ្នកមានលុយ រំលោភច្បាប់សាងសង់ របងយកដីចំណីឆ្នេរអង្កោល គឺអាជ្ញាធរ និងមន្ត្រីជំនាញ តម្រូវនឹងឱ្យរុះរើសំណង់ដែលបាន ធ្វើរបងទាំងនេះចេញវិញ ដោយមិនទាមទាសំណង ឬថ្លៃរុះរើអ្វីពីរអាជ្ញាធរនោះឡើយ។

ការរុះរើនេះ ដើម្បីកុំឲ្យមានការរិះគន់បន្តទៀត» លោក ឆាង ឆៃ អភិបាល ស្រុកដំណាក់ចង្អើរ បានបញ្ជាក់យ៉ាងដូច្នេះ។

សូមជម្រាបថា បុរសឈ្មោះ លីម ហ៊័ត ជាមេការមើលការ ខុសត្រូវក្នុងការសាងសង់របងរំលោភចូលឆ្នេរអង្កោល ស្ថិតក្នុងភូមិសាស្ត្រ ភូមិអង្កោល ឃុំអង្កោល ស្រុកដំណាក់ ចង្អើរ បានទទួលស្គាល់ថា «ខ្លួនពិតជាបានសាងសង់ របងរំលោភចូលដីចំណី ឆ្នេរសមុទ្រអង្កោលបន្តិចបន្តួចមែន ដើម្បីតម្រង់កន្ទុយដី និងការពារកុំឲ្យទឹករលកវាយបាក់ច្រាំងដីនារដូវស្សា»៕